bin dekhe uske jawe ranj o azab kyun kar

bin dekhe us ke jaave rañj o azaab kyuuñ kar

vo ḳhvāb meñ to aave par aave ḳhvāb kyuuñ kar

paas us ne jo biThāyā dil aur tilmilāyā

ab jā.egā ḳhudāyā ye iztirāb kyuuñ kar

vo jab se hai safar meñ dil muztarib hai bar meñ

baiTheñ ham apne ghar meñ ḳhāna-ḳharāb kyuuñ kar

saaqī firāq-e-jānāñ halq apne kā hai darbāñ

utre gale se phir yaañ qirt-e-sharāb kyuuñ kar

ġhamgīñ haiñ jis ke ġham se vāqif nahīñ vo ham se

yārab phir is alam se ho sabr-o-tāb kyuuñ kar

vaañ hai savāl har dam rakhiye milāp kam kam

hairān haiñ ki deñ ham is kā javāb kyuuñ kar

chhoTā hai sin tumhārā mukhḌā hai pyārā pyārā

phir ho bhalā gavārā sharm-o-hijāb kyuuñ kar

mujh ko to hai ye hairat aisī rahī jo ismat

to hogā sarf-e-ishrat ahd-e-shabāb kyuuñ kar

ab taur kī to apne 'jur.at' ġhazal sunā de

dekheñ to is ke hoñge sher intiḳhāb kyuuñ kar

bin dekhe us ke jawe ranj o azab kyun kar

wo KHwab mein to aawe par aawe KHwab kyun kar

pas us ne jo biThaya dil aur tilmilaya

ab jaega KHudaya ye iztirab kyun kar

wo jab se hai safar mein dil muztarib hai bar mein

baiThen hum apne ghar mein KHana-KHarab kyun kar

saqi firaq-e-jaanan halq apne ka hai darban

utre gale se phir yan qirt-e-sharab kyun kar

ghamgin hain jis ke gham se waqif nahin wo hum se

yarab phir is alam se ho sabr-o-tab kyun kar

wan hai sawal har dam rakhiye milap kam kam

hairan hain ki den hum is ka jawab kyun kar

chhoTa hai sin tumhaara mukhDa hai pyara pyara

phir ho bhala gawara sharm-o-hijab kyun kar

mujh ko to hai ye hairat aisi rahi jo ismat

to hoga sarf-e-ishrat ahd-e-shabab kyun kar

ab taur ki to apne 'jurat' ghazal suna de

dekhen to is ke honge sher intiKHab kyun kar