chale bazm-e-dauran se jab zahr pi ke
chale bazm-e-daurāñ se jab zahr pī ke
baḌhe hausle aur bhī zindagī ke
fasānoñ se merī hī āvārgī ke
muayyan hue rāste zindagī ke
zamāne ko duuñ kyā ki dāman meñ mere
faqat chand aañsū haiñ vo bhī kisī ke
nigāh-e-karam kī zarūrat nahīñ hai
zarā dekh luuñ be-sahāre bhī jī ke
haiñ 'masrūr' āñkheñ tumhārī jo pur-nam
batāo ye aañsū haiñ ġham yā ḳhushī ke
chale bazm-e-dauran se jab zahr pi ke
baDhe hausle aur bhi zindagi ke
fasanon se meri hi aawargi ke
muayyan hue raste zindagi ke
zamane ko dun kya ki daman mein mere
faqat chand aansu hain wo bhi kisi ke
nigah-e-karam ki zarurat nahin hai
zara dekh lun be-sahaare bhi ji ke
hain 'masrur' aankhen tumhaari jo pur-nam
batao ye aansu hain gham ya KHushi ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
