charagh-e-hasrat-o-arman bujha ke baiThe hain
charāġh-e-hasrat-o-armāñ bujhā ke baiThe haiñ
har ek tarh se ḳhud ko jalā ke baiThe haiñ
na koī rāhguzar hai na koī vīrāna
ġham-e-hayāt meñ sab kuchh luTā ke baiThe haiñ
junūñ kī had hai ki hosh-o-ḳhirad kī manzil hai
ḳhabar nahīñ hai kahāñ aaj aa ke baiThe haiñ
kabhī jo dil ne kahā ab chalo yahāñ se chaleñ
to uTh ke ālam-e-vahshat meñ jā ke baiThe haiñ
ye kis jagah pe qadam ruk ga.e haiñ kyā kahiye
ki manziloñ ke nishāñ tak miTā ke baiThe haiñ
charagh-e-hasrat-o-arman bujha ke baiThe hain
har ek tarh se KHud ko jala ke baiThe hain
na koi rahguzar hai na koi virana
gham-e-hayat mein sab kuchh luTa ke baiThe hain
junun ki had hai ki hosh-o-KHirad ki manzil hai
KHabar nahin hai kahan aaj aa ke baiThe hain
kabhi jo dil ne kaha ab chalo yahan se chalen
to uTh ke aalam-e-wahshat mein ja ke baiThe hain
ye kis jagah pe qadam ruk gae hain kya kahiye
ki manzilon ke nishan tak miTa ke baiThe hain
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
