chashm-o-gesu ka koi zikr na ruKHsar ki baat

chashm-o-gesū kā koī zikr na ruḳhsār kī baat

baiTh kar kījiye un se dar-o-dīvār kī baat

ye adā.eñ ye ishāre ye hasīñ qaul-o-qarār

kitne ādāb ke parde meñ hai inkār kī baat

raat bhar jis kī tamannā meñ jale haiñ ham log

vo sahar shaiḳh kī nazroñ meñ hai kuffār kī baat

bazm-e-aġhyār agar ho to bichhe jaate haiñ

aur karte haiñ vo ham se rasan-o-dār kī baat

mad.h-e-sayyād bahar-hāl zarūrī to nahīñ

chup raho ye bhī hai ab jur.at-e-kirdār kī baat

kis bharose pe kareñ ishq kā saudā 'ḳhālid'

vaqt shāyad hai ki rahtī nahīñ talvār kī baat

chashm-o-gesu ka koi zikr na ruKHsar ki baat

baiTh kar kijiye un se dar-o-diwar ki baat

ye adaen ye ishaare ye hasin qaul-o-qarar

kitne aadab ke parde mein hai inkar ki baat

raat bhar jis ki tamanna mein jale hain hum log

wo sahar shaiKH ki nazron mein hai kuffar ki baat

bazm-e-aghyar agar ho to bichhe jate hain

aur karte hain wo hum se rasan-o-dar ki baat

madh-e-sayyaad bahar-haal zaruri to nahin

chup raho ye bhi hai ab jurat-e-kirdar ki baat

kis bharose pe karen ishq ka sauda 'KHalid'

waqt shayad hai ki rahti nahin talwar ki baat