chhoTe chhoTe se mafadat liye phirte hain
chhoTe chhoTe se mafādāt liye phirte haiñ
dar-ba-dar ḳhud ko jo din raat liye phirte haiñ
apnī majrūh anāoñ ko dilāse de kar
haath meñ kāsa-e-ḳhairāt liye phirte haiñ
shahr meñ ham ne sunā hai ki tire shola-navā
kuchh sulagte hue naġhmāt liye phirte haiñ
muḳhtalif apnī kahānī hai zamāne bhar se
munfarid ham ġham-e-hālāt liye phirte haiñ
ek ham haiñ ki ġham-e-dahr se fursat hī nahīñ
ek vo haiñ ki ġham-e-zāt liye phirte haiñ
chhoTe chhoTe se mafadat liye phirte hain
dar-ba-dar KHud ko jo din raat liye phirte hain
apni majruh anaon ko dilase de kar
hath mein kasa-e-KHairaat liye phirte hain
shahr mein hum ne suna hai ki tere shola-nawa
kuchh sulagte hue naghmat liye phirte hain
muKHtalif apni kahani hai zamane bhar se
munfarid hum gham-e-haalat liye phirte hain
ek hum hain ki gham-e-dahr se fursat hi nahin
ek wo hain ki gham-e-zat liye phirte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
