aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

daman-e-gul mein kahin Khaar chhupa dekhte hain

Asim Wasti

daman-e-gul mein kahin Khaar chhupa dekhte hain

Asim Wasti

MORE BYAsim Wasti

    dāman-e-gul meñ kahīñ ḳhaar chhupā dekhte haiñ

    aap achchhā nahīñ karte ki burā dekhte haiñ

    ham se vo pūchh rahe haiñ ki kahāñ hai aur ham

    jis taraf aañkh uThāte haiñ ḳhudā dekhte haiñ

    kuchh nahīñ hai ki jo hai vo bhī nahīñ hai maujūd

    ham jo yuuñ mahv-e-tamāshā haiñ to kyā dekhte haiñ

    log kahte haiñ ki vo shaḳhs hai ḳhushbū jaisā

    saath shāyad use le aa.e havā dekhte haiñ

    zāviya dhuup ne kuchh aisā banāyā hai ki ham

    saa.e ko jism jumbish se judā dekhte haiñ

    is qadar tāzgī rakhī hai nazar meñ hamne

    koī manzar ho purānā to nayā dekhte haiñ

    ab kahīñ shahr meñ 'āsim' hai na 'ġhālib' koī

    kis ke ghar jaa.e ye sailāb-e-balā dekhte haiñ

    daman-e-gul mein kahin KHar chhupa dekhte hain

    aap achchha nahin karte ki bura dekhte hain

    hum se wo puchh rahe hain ki kahan hai aur hum

    jis taraf aankh uThate hain KHuda dekhte hain

    kuchh nahin hai ki jo hai wo bhi nahin hai maujud

    hum jo yun mahw-e-tamasha hain to kya dekhte hain

    log kahte hain ki wo shaKHs hai KHushbu jaisa

    sath shayad use le aae hawa dekhte hain

    zawiya dhup ne kuchh aisa banaya hai ki hum

    sae ko jism ki jumbish se juda dekhte hain

    is qadar tazgi rakhi hai nazar mein hamne

    koi manzar ho purana to naya dekhte hain

    ab kahin shahr mein 'asim' hai na 'ghaalib' koi

    kis ke ghar jae ye sailab-e-bala dekhte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now