aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dahan par hain un ke guman kaise kaise

Haidar Ali Aatish

dahan par hain un ke guman kaise kaise

Haidar Ali Aatish

MORE BYHaidar Ali Aatish

    dahan par haiñ un ke gumāñ kaise kaise

    kalām aate haiñ darmiyāñ kaise kaise

    zamīn-e-chaman gul khilātī hai kyā kyā

    badaltā hai rañg āsmāñ kaise kaise

    tumhāre shahīdoñ meñ dāḳhil hue haiñ

    gul-o-lāla-o-arġhavāñ kaise kaise

    bahār aa.ī hai nashshe meñ jhūmte haiñ

    murīdān-e-pīr-e-muġhāñ kaise kaise

    ajab kyā chhuTā ruuh se jāma-e-tan

    luTe raah meñ kārvāñ kaise kaise

    tap-e-hijr kāhishoñ ne kiye haiñ

    judā post se ustuḳhāñ kaise kaise

    na muḌ kar bhī be-dard qātil ne dekhā

    taḌapte rahe nīm-jāñ kaise kaise

    na gor-e-sikandar na hai qabr-e-dārā

    miTe nāmiyoñ ke nishāñ kaise kaise

    bahār-e-gulistāñ hai aamad aamad

    ḳhushī phirte haiñ bāġhbāñ kaise kaise

    tavajjoh ne terī hamāre masīhā

    tavānā kiye nā-tavāñ kaise kaise

    dil-o-dīda-e-ahl-e-ālam meñ ghar hai

    tumhāre liye haiñ makāñ kaise kaise

    ġham-o-ġhussa o ranj-o-andoh-o-hirmāñ

    hamāre bhī haiñ mehrbāñ kaise kaise

    tire cilk-e-qudarat ke qurbān āñkheñ

    dikhā.e haiñ ḳhush-rū javāñ kaise kaise

    kare jis qadar shukr-e-ne.amat vo kam hai

    maze lūTtī hai zabāñ kaise kaise

    dahan par hain un ke guman kaise kaise

    kalam aate hain darmiyan kaise kaise

    zamin-e-chaman gul khilati hai kya kya

    badalta hai rang aasman kaise kaise

    tumhaare shahidon mein daKHil hue hain

    gul-o-lala-o-arghawan kaise kaise

    bahaar aai hai nashshe mein jhumte hain

    muridan-e-pir-e-mughan kaise kaise

    ajab kya chhuTa ruh se jama-e-tan

    luTe rah mein karwan kaise kaise

    tap-e-hijr ki kahishon ne kiye hain

    juda post se ustuKHan kaise kaise

    na muD kar bhi be-dard qatil ne dekha

    taDapte rahe nim-jaan kaise kaise

    na gor-e-sikandar na hai qabr-e-dara

    miTe namiyon ke nishan kaise kaise

    bahaar-e-gulistan ki hai aamad aamad

    KHushi phirte hain baghban kaise kaise

    tawajjoh ne teri hamare masiha

    tawana kiye na-tawan kaise kaise

    dil-o-dida-e-ahl-e-alam mein ghar hai

    tumhaare liye hain makan kaise kaise

    gham-o-ghussa o ranj-o-andoh-o-hirman

    hamare bhi hain mehrban kaise kaise

    tere cilk-e-qudarat ke qurban aankhen

    dikhae hain KHush-ru jawan kaise kaise

    kare jis qadar shukr-e-neamat wo kam hai

    maze luTti hai zaban kaise kaise

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now