dasht o sahra agar basae hain

dasht o sahrā agar basā.e haiñ

ham gulistāñ meñ kab samā.e haiñ

aap naġhmoñ ke muntazir hoñge

ham to fariyād le ke aa.e haiñ

ek apnā diyā jalāne ko

tum ne lākhoñ diye bujhā.e haiñ

kyā nazar aa.egā abhī ham ko

yak-ba-yak raushnī meñ aa.e haiñ

yuuñ to saarā chaman hamārā hai

phuul jitne bhī haiñ parā.e haiñ

dasht o sahra agar basae hain

hum gulistan mein kab samae hain

aap naghmon ke muntazir honge

hum to fariyaad le ke aae hain

ek apna diya jalane ko

tum ne lakhon diye bujhae hain

kya nazar aaega abhi hum ko

yak-ba-yak raushni mein aae hain

yun to sara chaman hamara hai

phul jitne bhi hain parae hain