dast-e-hunar jhaTakte hi zaea hunar gaya
dast-e-hunar jhaTakte hī zaa.e.a hunar gayā
chāragarī nahīñ rahī jab chāra-gar gayā
hastī se mil gayā mujhe kuchh nīstī kā fahm
sahrā vahāñ milā jahāñ dariyā utar gayā
kyā ho sake hisāb ki jab āgahī kahe
ab tak to rā.egānī meñ saarā safar gayā
vo ek jazba jis ne jamāl-āshnā kiyā
manzar haTā to jism ke andar hī mar gayā
shāyad sar-e-hayāt mujhe aa mile kabhī
ik shaḳhs mere jaisā na jaane kidhar gayā
dast-e-hunar jhaTakte hi zaea hunar gaya
chaaragari nahin rahi jab chaara-gar gaya
hasti se mil gaya mujhe kuchh nisti ka fahm
sahra wahan mila jahan dariya utar gaya
kya ho sake hisab ki jab aagahi kahe
ab tak to raegani mein sara safar gaya
wo ek jazba jis ne jamal-ashna kiya
manzar haTa to jism ke andar hi mar gaya
shayad sar-e-hayat mujhe aa mile kabhi
ek shaKHs mere jaisa na jaane kidhar gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
