daura hai jab se bazm mein teri sharab ka
daura hai jab se bazm mein teri sharab ka
Shaikh Zahuruddin Hatim
MORE BYShaikh Zahuruddin Hatim
daurā hai jab se bazm meñ terī sharāb kā
bāzār garm hai mire dil ke kabāb kā
ḳhūbāñ ko kis tarah se lagā le hai baat meñ
bandā huuñ apnī tab-e-zarāfat-ma.āb kā
jo nāma-bar gayā na phirā ek ab talak
ai dil tū intizār abas hai javāb kā
hasrat ye hai ki raat ko aa.e vo māh-rū
daulat se us kī diid karūñ māhtāb kā
altāf meñ bhī us ke aziyyat hai sau tarah
lā.ūñ kahāñ se hausla us ke itaab kā
ruḳhsār ke araq kā tire bhaav dekh kar
paanī ke mol nirḳh huā hai gulāb kā
'hātim' yahī hamesha zamāne kī chaal hai
shikva bajā nahīñ hai tujhe inqalāb kā
daura hai jab se bazm mein teri sharab ka
bazar garm hai mere dil ke kabab ka
KHuban ko kis tarah se laga le hai baat mein
banda hun apni tab-e-zarafat-maab ka
jo nama-bar gaya na phira ek ab talak
ai dil tu intizar abas hai jawab ka
hasrat ye hai ki raat ko aae wo mah-ru
daulat se us ki did karun mahtab ka
altaf mein bhi us ke aziyyat hai sau tarah
laun kahan se hausla us ke itab ka
ruKHsar ke araq ka tere bhaw dekh kar
pani ke mol nirKH hua hai gulab ka
'hatim' yahi hamesha zamane ki chaal hai
shikwa baja nahin hai tujhe inqalab ka
Source:
Diwan-e-Zaada (Pg. 118)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
