aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tum aaina hi na har bar dekhte jao

Dagh Dehlvi

tum aaina hi na har bar dekhte jao

Dagh Dehlvi

MORE BYDagh Dehlvi

    tum ā.īna na har baar dekhte jaao

    mirī taraf bhī to sarkār dekhte jaao

    na jaao hāl-e-dil-e-zār dekhte jaao

    ki na chāhe to nā-chār dekhte jaao

    bahār-e-umr meñ bāġh-e-jahāñ sair karo

    khilā huā hai ye gulzār dekhte jaao

    yahī to chashm-e-haqīqat nigar surma hai

    nizā-e-kāfir-o-dīñ-dār dekhte jaao

    uThāo aañkh na sharmāo ye to mahfil hai

    ġhazab se jānib-e-aġhyār dekhte jaao

    nahīñ hai jins-e-vafā tumheñ jo qadr na ho

    baneñge kitne ḳharīdār dekhte jaao

    tumheñ ġharaz jo karo rahm pā.emāloñ par

    tum apnī shoḳhī-e-raftār dekhte jaao

    qasam bhī khaa.ī thī qur.ān bhī uThāyā thā

    phir aaj hai vahī inkār dekhte jaao

    ye shāmat aa.ī ki us galī meñ dil ne kahā

    khulā hai rauzan-e-dīvār dekhte jaao

    huā hai kyā abhī hangāma aur kuchh hogā

    fuġhāñ meñ hashr ke āsār dekhte jaao

    shab-e-visāl adū yahī nishānī hai

    nishān-e-bosa-e-ruḳhsār dekhte jaao

    tumhārī aañkh mire dil se le sabab be-vaj.h

    huī hai laḌne ko tayyār dekhte jaao

    idhar ko aa ga.e ab to hazrat-e-zāhid

    yahīñ hai ḳhāna-e-ḳhummār dekhte jaao

    raqīb barsar-e-parḳhāsh ham se hotā hai

    baḌhegī muft meñ takrār dekhte jaao

    nahīñ haiñ jurm-e-mohabbat meñ sab ke sab mulzim

    ḳhatā muaaf ḳhatā-vār dekhte jaao

    dikhā rahī hai tamāshā falak nairañgī

    nayā hai sho.abada har baar dekhte jaao

    banā diyā mirī chāhat ne ġhairat-e-yūsuf

    tum apnī garmī-e-bāzār dekhte jaao

    na jaao band kiye aañkh rah-ravān-e-adam

    idhar udhar bhī ḳhabar-dār dekhte jaao

    sunī-sunā.ī pe hargiz kabhī amal na karo

    hamāre haal ke aḳhbār dekhte jaao

    koī na koī har ik sher meñ hai baat zarūr

    janāb-e-'dāġh' ke ash.ār dekhte jaao

    tum aaina hi na har bar dekhte jao

    meri taraf bhi to sarkar dekhte jao

    na jao haal-e-dil-e-zar dekhte jao

    ki ji na chahe to na-chaar dekhte jao

    bahaar-e-umr mein bagh-e-jahan ki sair karo

    khila hua hai ye gulzar dekhte jao

    yahi to chashm-e-haqiqat nigar ka surma hai

    niza-e-kafir-o-din-dar dekhte jao

    uThao aankh na sharmao ye to mahfil hai

    ghazab se jaanib-e-aghyar dekhte jao

    nahin hai jins-e-wafa ki tumhein jo qadr na ho

    banenge kitne KHaridar dekhte jao

    tumhein gharaz jo karo rahm paemalon par

    tum apni shoKHi-e-raftar dekhte jao

    qasam bhi khai thi quran bhi uThaya tha

    phir aaj hai wahi inkar dekhte jao

    ye shamat aai ki us ki gali mein dil ne kaha

    khula hai rauzan-e-diwar dekhte jao

    hua hai kya abhi hangama aur kuchh hoga

    fughan mein hashr ke aasar dekhte jao

    shab-e-visal adu ki yahi nishani hai

    nishan-e-bosa-e-ruKHsar dekhte jao

    tumhaari aankh mere dil se le sabab be-wajh

    hui hai laDne ko tayyar dekhte jao

    idhar ko aa hi gae ab to hazrat-e-zahid

    yahin hai KHana-e-KHummar dekhte jao

    raqib barsar-e-parKHash hum se hota hai

    baDhegi muft mein takrar dekhte jao

    nahin hain jurm-e-mohabbat mein sab ke sab mulzim

    KHata muaf KHata-war dekhte jao

    dikha rahi hai tamasha falak ki nairangi

    naya hai shoabada har bar dekhte jao

    bana diya meri chahat ne ghairat-e-yusuf

    tum apni garmi-e-bazar dekhte jao

    na jao band kiye aankh rah-rawan-e-adam

    idhar udhar bhi KHabar-dar dekhte jao

    suni-sunai pe hargiz kabhi amal na karo

    hamare haal ke aKHbar dekhte jao

    koi na koi har ek sher mein hai baat zarur

    janab-e-'dagh' ke ashaar dekhte jao

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now