dekhun hun yun main us sitam-ijad ki taraf

dekhūñ huuñ yuuñ maiñ us sitam-ījād kī taraf

juuñ said vaqt zabah ke sayyād kī taraf

ne daana ham qayās kiyā ne lihāz-e-dām

dhañs ga.e qafas meñ dekh ke sayyād kī taraf

sābit na hove ḳhuun mirā roz-e-bāz-purs

boleñge ahl-e-hashr so jallād kī taraf

patthar kī lekh thā suḳhan us kā hazār haif

bolī zabān-e-tesha na farhād kī taraf

turra ke tere vāste sad-chob-e-shān-a-dār

qumrī ga.ī hai kāTne shamshād kī taraf

'saudā' tū is ġhazal ko ġhazal-dar-ġhazal hī kah

honā hai tujh ko 'mīr' se ustād kī taraf

dekhun hun yun main us sitam-ijad ki taraf

jun said waqt zabah ke sayyaad ki taraf

ne dana hum qayas kiya ne lihaz-e-dam

dhans gae qafas mein dekh ke sayyaad ki taraf

sabit na howe KHun mera roz-e-baz-purs

bolenge ahl-e-hashr so jallad ki taraf

patthar ki lekh tha suKHan us ka hazar haif

boli zaban-e-tesha na farhad ki taraf

turra ke tere waste sad-chob-e-shan-a-dar

qumri gai hai kaTne shamshad ki taraf

'sauda' tu is ghazal ko ghazal-dar-ghazal hi kah

hona hai tujh ko 'mir' se ustad ki taraf