dete hain jam-e-shahadat mujhe malum na tha

dete haiñ jām-e-shahādat mujhe mā'lūm na thā

hai ye ā.īn-e-mohabbat mujhe mā'lūm na thā

matlab-e-chashm-e-muravvat mujhe mā'lūm na thā

tujh ko mujh se thī shikāyat mujhe mā'lūm na thā

chashm-e-ḳhāmosh kī bābat mujhe mā'lūm na thā

ye bhī hai harf-o-hikāyat mujhe mā'lūm na thā

'ishq bas meñ hai mashiyyat ke aqīda thā mirā

us ke bas meñ hai mashiyyat mujhe mā'lūm na thā

haft-ḳhvāñ jis ne kiye tai sar-e-rāh-e-taslīm

TuuT jaatī hai vo himmat mujhe mā'lūm na thā

aaj har qatra-e-mai ban gayā ik chingārī

thī ye saaqī kī sharārat mujhe mā'lūm na thā

nigah-e-mast ne talvār uThā lī sar-e-bazm

yuuñ badal jaatī hai niyyat mujhe mā'lūm na thā

ġham-e-hastī se jo bezār rahā maiñ ik 'umr

tujh se bhī thī use nisbat mujhe mā'lūm na thā

'ishq bhī ahl-e-tarīqat meñ hai aisā thā ḳhayāl

'ishq hai pīr-e-tarīqat mujhe mā'lūm na thā

pūchh mat sharh-e-karam-hā-e-azīzāñ hamdam

un meñ itnī thī sharāfat mujhe mā'lūm na thā

jab se dekhā hai tujhe mujh se hai merī an-ban

husn kā rang-e-siyāsat mujhe mā'lūm na thā

shakl insān kī ho chaal bhī insān kī ho

yuuñ bhī aatī hai qayāmat mujhe mā'lūm na thā

sar-e-māmūra-e-ālam ye dil-e-ḳhāna-ḳharāb

miT gayā terī badaulat mujhe mā'lūm na thā

parda-e-arz-e-vafā meñ bhī rahā huuñ kartā

tujh se maiñ apnī hī ġhībat mujhe mā'lūm na thā

naqd-e-jāñ kyā hai zamāne meñ mohabbat hamdam

nahīñ miltī kisī qīmat mujhe mā'lūm na thā

ho gayā aaj rafīqoñ se gale mil ke judā

apnā ḳhud ishq-e-sadāqat mujhe mā'lūm na thā

dard dil kyā hai khulā aaj tire laḌne par

tujh se itnī thī mohabbat mujhe mā'lūm na thā

dam nikal jaa.e magar dil na lagā.e koī

'ishq kī ye thī vasiyyat mujhe mā'lūm na thā

husn vāloñ ko bahut sahl samajh rakkhā thā

tujh pe aa.egī tabī'at mujhe mā'lūm na thā

kitnī ḳhallāq hai ye nīstī-e-ishq 'firāq'

us se hastī hai 'ibārat mujhe mā'lūm na thā

dete hain jam-e-shahadat mujhe ma'lum na tha

hai ye aain-e-mohabbat mujhe ma'lum na tha

matlab-e-chashm-e-murawwat mujhe ma'lum na tha

tujh ko mujh se thi shikayat mujhe ma'lum na tha

chashm-e-KHamosh ki babat mujhe ma'lum na tha

ye bhi hai harf-o-hikayat mujhe ma'lum na tha

'ishq bas mein hai mashiyyat ke aqida tha mera

us ke bas mein hai mashiyyat mujhe ma'lum na tha

haft-KHwan jis ne kiye tai sar-e-rah-e-taslim

TuT jati hai wo himmat mujhe ma'lum na tha

aaj har qatra-e-mai ban gaya ek chingari

thi ye saqi ki shararat mujhe ma'lum na tha

nigah-e-mast ne talwar uTha li sar-e-bazm

yun badal jati hai niyyat mujhe ma'lum na tha

gham-e-hasti se jo bezar raha main ek 'umr

tujh se bhi thi use nisbat mujhe ma'lum na tha

'ishq bhi ahl-e-tariqat mein hai aisa tha KHayal

'ishq hai pir-e-tariqat mujhe ma'lum na tha

puchh mat sharh-e-karam-ha-e-azizan hamdam

un mein itni thi sharafat mujhe ma'lum na tha

jab se dekha hai tujhe mujh se hai meri an-ban

husn ka rang-e-siyasat mujhe ma'lum na tha

shakl insan ki ho chaal bhi insan ki ho

yun bhi aati hai qayamat mujhe ma'lum na tha

sar-e-mamura-e-alam ye dil-e-KHana-KHarab

miT gaya teri badaulat mujhe ma'lum na tha

parda-e-arz-e-wafa mein bhi raha hun karta

tujh se main apni hi ghibat mujhe ma'lum na tha

naqd-e-jaan kya hai zamane mein mohabbat hamdam

nahin milti kisi qimat mujhe ma'lum na tha

ho gaya aaj rafiqon se gale mil ke juda

apna KHud ishq-e-sadaqat mujhe ma'lum na tha

dard dil kya hai khula aaj tere laDne par

tujh se itni thi mohabbat mujhe ma'lum na tha

dam nikal jae magar dil na lagae koi

'ishq ki ye thi wasiyyat mujhe ma'lum na tha

husn walon ko bahut sahl samajh rakkha tha

tujh pe aaegi tabi'at mujhe ma'lum na tha

kitni KHallaq hai ye nisti-e-ishq 'firaq'

us se hasti hai 'ibarat mujhe ma'lum na tha