dhup mein niklo ghaTaon mein naha kar dekho
dhuup meñ niklo ghaTāoñ meñ nahā kar dekho
zindagī kyā hai kitāboñ ko haTā kar dekho
sirf āñkhoñ se hī duniyā nahīñ dekhī jaatī
dil kī dhaḌkan ko bhī bīnā.ī banā kar dekho
pattharoñ meñ bhī zabāñ hotī hai dil hote haiñ
apne ghar ke dar-o-dīvār sajā kar dekho
vo sitāra hai chamakne do yūñhī āñkhoñ meñ
kyā zarūrī hai use jism banā kar dekho
fāsla nazroñ kā dhoka bhī to ho saktā hai
vo mile yā na mile haath baḌhā kar dekho
dhup mein niklo ghaTaon mein naha kar dekho
zindagi kya hai kitabon ko haTa kar dekho
sirf aankhon se hi duniya nahin dekhi jati
dil ki dhaDkan ko bhi binai bana kar dekho
pattharon mein bhi zaban hoti hai dil hote hain
apne ghar ke dar-o-diwar saja kar dekho
wo sitara hai chamakne do yunhi aankhon mein
kya zaruri hai use jism bana kar dekho
fasla nazron ka dhoka bhi to ho sakta hai
wo mile ya na mile hath baDha kar dekho
- Book : Shaher Men Gaon (Pg. 400)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
