dhup thi saya uTha kar rakh diya

dhuup thī saaya uThā kar rakh diyā

ye sajā tāroñ kā mahzar rakh diyā

kal talak sahrā basā thā aañkh meñ

ab magar kis ne samundar rakh diyā

surḳh-rū hotī hai kaisī zindagī

dostoñ ne lā ke patthar rakh diyā

mundamil zaḳhmoñ ke Tāñke khul ga.e

be-sabab tum ne rulā kar rakh diyā

sābit-o-sālim thā dāman kal talak

tum ne āḳhir kyuuñ jalā kar rakh diyā

miT ga.ī tishna-labī āḳhir mirī

jab gale par us ne ḳhanjar rakh diyā

ro paḌīñ āñkheñ bahut 'sāhil' mirī

jab kisī ne haath sar par rakh diyā

dhup thi saya uTha kar rakh diya

ye saja taron ka mahzar rakh diya

kal talak sahra basa tha aankh mein

ab magar kis ne samundar rakh diya

surKH-ru hoti hai kaisi zindagi

doston ne la ke patthar rakh diya

mundamil zaKHmon ke Tanke khul gae

be-sabab tum ne rula kar rakh diya

sabit-o-salim tha daman kal talak

tum ne aaKHir kyun jala kar rakh diya

miT gai tishna-labi aaKHir meri

jab gale par us ne KHanjar rakh diya

ro paDin aankhen bahut 'sahil' meri

jab kisi ne hath sar par rakh diya