dil-dadgan-e-husn se parda na chahiye
dil-dādgān-e-husn se pardā na chāhiye
dil le ke chhup ga.e tumheñ aisā na chāhiye
dil kaam kā nahīñ to na lo jaan nazr hai
itnī zarā sī baat pe jhagḌā na chāhiye
zāhid to baḳhshe jaa.eñ gunahgār muñh takeñ
ai rahmat-e-ḳhudā tujhe aisā na chāhiye
ai dil sadā usī kī taraf sar jhukā rahe
ka.aba vahī hai ġhair kā sajda na chāhiye
ka.aba samajh ke dair meñ 'muztar' basar karo
vo har jagah hai ab kahīñ jaanā na chāhiye
dil-dadgan-e-husn se parda na chahiye
dil le ke chhup gae tumhein aisa na chahiye
dil kaam ka nahin to na lo jaan nazr hai
itni zara si baat pe jhagDa na chahiye
zahid to baKHshe jaen gunahgar munh taken
ai rahmat-e-KHuda tujhe aisa na chahiye
ai dil sada usi ki taraf sar jhuka rahe
kaba wahi hai ghair ka sajda na chahiye
kaba samajh ke dair mein 'muztar' basar karo
wo har jagah hai ab kahin jaana na chahiye
- Book : Khirman (Part-1) (Pg. 251)
- Author : Muztar Khairabadi
- Publication : Javed Akhtar (2015)
- Edition : 2015
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
