dil ki masarraten nai jaan ka malal hai naya
dil kī masarrateñ na.ī jaañ kā malāl hai nayā
merī ġhazal meñ aaj phir ek savāl hai nayā
ab jo khile haiñ dil meñ phuul un kī bahār hai na.ī
ab jo lagī hai dil meñ aag us kā jalāl hai nayā
us ke liye bhī ġham-za-e-nāz-o-adā kā vaqt hai
apne liye bhī mausam-e-hijr-o-visāl hai nayā
us meñ bhī ḳhud-numā.ī ke rañg bahut haiñ in dinoñ
apne liye bhī arsa-e-ḳhvāb-o-ḳhayāl hai nayā
jaag uThā hai ik chaman merī hudūd-e-zāt meñ
us ke qarīb hī kahīñ dasht-e-malāl hai nayā
ruuh meñ jal uThe haiñ aaj lazzat-e-qurb ke charāġh
soz-o-gudāz-e-hijr bhī shāmil-e-hāl hai nayā
jhuum uThe haiñ barg-o-bār phuul khile haiñ be-shumār
ai merī rūh-e-be-qarār terā to haal hai nayā
us ne mirī nigāh ke saare suḳhan samajh liye
phir bhī mirī nigāh meñ ek savāl hai nayā
dil ki masarraten nai jaan ka malal hai naya
meri ghazal mein aaj phir ek sawal hai naya
ab jo khile hain dil mein phul un ki bahaar hai nai
ab jo lagi hai dil mein aag us ka jalal hai naya
us ke liye bhi gham-za-e-naz-o-ada ka waqt hai
apne liye bhi mausam-e-hijr-o-visal hai naya
us mein bhi KHud-numai ke rang bahut hain in dinon
apne liye bhi arsa-e-KHwab-o-KHayal hai naya
jag uTha hai ek chaman meri hudud-e-zat mein
us ke qarib hi kahin dasht-e-malal hai naya
ruh mein jal uThe hain aaj lazzat-e-qurb ke charagh
soz-o-gudaz-e-hijr bhi shamil-e-haal hai naya
jhum uThe hain barg-o-bar phul khile hain be-shumar
ai meri ruh-e-be-qarar tera to haal hai naya
us ne meri nigah ke sare suKHan samajh liye
phir bhi meri nigah mein ek sawal hai naya
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
