daraKHton se nadi se panchhiyon se dosti hai

daraḳhtoñ se nadī se panchhiyoñ se dostī hai

mirī ik 'umr se in jangaloñ se dostī hai

kahīñ jā.ūñ mujhe le jā.eñge terī taraf hī

so tere shahr ke sab rāstoñ se dostī hai

tire ġham kā asar aisā huā dil par hamāre

hamārī ab jahāñ bhar ke ġhamoñ se dostī hai

bharosa kyā kareñ un dostoñ kī dostī kā

bhalī jin kī hamāre dushmanoñ se dostī hai

hamārī dostī ke darmiyāñ kuchh bhī na aayā

hamārī dostī bas muddatoñ se dostī hai

agar āsāniyāñ haiñ to zarā mushkil rahegī

nahīñ Dar mushkiloñ kā mushkiloñ se dostī hai

zamāne kī zarūrat hī kahāñ hai 'bhāskar' ko

vo 'āshiq hai aur us kī 'āshiqoñ se dostī hai

daraKHton se nadi se panchhiyon se dosti hai

meri ek 'umr se in jangalon se dosti hai

kahin jaun mujhe le jaenge teri taraf hi

so tere shahr ke sab raston se dosti hai

tere gham ka asar aisa hua dil par hamare

hamari ab jahan bhar ke ghamon se dosti hai

bharosa kya karen un doston ki dosti ka

bhali jin ki hamare dushmanon se dosti hai

hamari dosti ke darmiyan kuchh bhi na aaya

hamari dosti bas muddaton se dosti hai

agar aasaniyan hain to zara mushkil rahegi

nahin Dar mushkilon ka mushkilon se dosti hai

zamane ki zarurat hi kahan hai 'bhaskar' ko

wo 'ashiq hai aur us ki 'ashiqon se dosti hai