Duboe deta hai KHud-agahi ka bar mujhe

Dubo.e detā hai ḳhud-āgahī kā baar mujhe

maiñ Dhaltā nashsha huuñ mauj-e-tarab ubhār mujhe

ai rūh-e-asr meñ terā huuñ terā hissa huuñ

ḳhud apnā ḳhvāb samajh kar zarā sañvār mujhe

bikhar ke sab meñ abas intizār hai apnā

jalā ke ḳhaak kar ai sham-e-intizār mujhe

sadā-e-rafta sahī lauT kar maiñ ā.ūñgā

farāz-e-ḳhvāb se ai zindagī pukār mujhe

azaab ye hai ki mujhe jaise phuul aur bhī haiñ

salīb-e-shāḳh se dast-e-ḳhizāñ utaar mujhe

ġharīb-e-shahr navā hī sahī magar yaaro

bahut hai apnī hī āvāz kā dayār mujhe

Duboe deta hai KHud-agahi ka bar mujhe

main Dhalta nashsha hun mauj-e-tarab ubhaar mujhe

ai ruh-e-asr mein tera hun tera hissa hun

KHud apna KHwab samajh kar zara sanwar mujhe

bikhar ke sab mein abas intizar hai apna

jala ke KHak kar ai sham-e-intizar mujhe

sada-e-rafta sahi lauT kar main aaunga

faraaz-e-KHwab se ai zindagi pukar mujhe

azab ye hai ki mujhe jaise phul aur bhi hain

salib-e-shaKH se dast-e-KHizan utar mujhe

gharib-e-shahr nawa hi sahi magar yaro

bahut hai apni hi aawaz ka dayar mujhe