duniya se duniya mein rah kar kaise kinara kar rakkha hai
duniyā se duniyā meñ rah kar kaise kināra kar rakkhā hai
dekh to aa kar kis sūrat se ham ne guzāra kar rakkhā hai
pahle to ham duniyā samjhe lekin ab ehsās huā hai
josh-e-junūñ meñ ham ne ḳhud ko paara paara kar rakkhā hai
itnā nuur kahāñ se lā.ūñ tārīkī ke is jañgal meñ
do jugnū hī paas the apne jin ko sitāra kar rakkhā hai
dekh sako to dekh lo aa kar merā kamāl-e-āḳhir bhī tum
shab ke rañg se miltī lau ko kaise sharāra kar rakkhā hai
itne shoḳh kahāñ hote the mujh ko to yuuñ lagtā hai
rañgoñ ko chupke se us ne koī ishāra kar rakkhā hai
duniya se duniya mein rah kar kaise kinara kar rakkha hai
dekh to aa kar kis surat se hum ne guzara kar rakkha hai
pahle to hum duniya samjhe lekin ab ehsas hua hai
josh-e-junun mein hum ne KHud ko para para kar rakkha hai
itna nur kahan se laun tariki ke is jangal mein
do jugnu hi pas the apne jin ko sitara kar rakkha hai
dekh sako to dekh lo aa kar mera kamal-e-aKHir bhi tum
shab ke rang se milti lau ko kaise sharara kar rakkha hai
itne shoKH kahan hote the mujh ko to yun lagta hai
rangon ko chupke se us ne koi ishaara kar rakkha hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
