Dub kar bhi na paDa farq giran-jaani mein
Duub kar bhī na paḌā farq girāñ-jānī meñ
maiñ huuñ patthar kī tarah bahte hue paanī meñ
ye mohabbat to bahut ba.ad kā qissa hai miyāñ
maiñ ne us haath ko pakḌā thā pareshānī meñ
raftagāñ tum ne abas Dhoñg rachāyā varna
ishq ko daḳhl nahīñ maut kī arzānī meñ
ye mohabbat bhī vilāyat kī tarah rakhtī hai
hālat-e-hāl meñ ye hālat-e-hairānī meñ
is liye jal ke kabhī raakh nahīñ hotā dil
ye kabhī aag meñ hotā hai kabhī paanī meñ
ik mohabbat hī pe mauqūf nahīñ hai 'tābish'
kuchh baḌe faisle ho jaate haiñ nādānī meñ
Dub kar bhi na paDa farq giran-jaani mein
main hun patthar ki tarah bahte hue pani mein
ye mohabbat to bahut baad ka qissa hai miyan
main ne us hath ko pakDa tha pareshani mein
raftagan tum ne abas Dhong rachaya warna
ishq ko daKHl nahin maut ki arzani mein
ye mohabbat bhi wilayat ki tarah rakhti hai
haalat-e-haal mein ye haalat-e-hairani mein
is liye jal ke kabhi rakh nahin hota dil
ye kabhi aag mein hota hai kabhi pani mein
ek mohabbat hi pe mauquf nahin hai 'tabish'
kuchh baDe faisle ho jate hain nadani mein
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
