aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dur saya sa hai kya phulon mein

Basir Sultan Kazmi

dur saya sa hai kya phulon mein

Basir Sultan Kazmi

MORE BYBasir Sultan Kazmi

    duur saayā hai kyā phūloñ meñ

    chhuptī phirtī hai sabā phūloñ meñ

    itnī ḳhushbū thī ki sar dukhne lagā

    mujh se baiThā na gayā phūloñ meñ

    chāñd bhī aa gayā shāḳhoñ ke qarīb

    ye nayā phuul khilā phūloñ meñ

    chāñd merā hai sitāroñ se alag

    phuul merā hai judā phūloñ meñ

    chāñdnī chhoḌ ga.ī thī ḳhushbū

    dhuup ne rañg bharā phūloñ meñ

    titliyāñ qumriyāñ sab uḌ bhī ga.iiñ

    maiñ to soyā rahā phūloñ meñ

    ruk gayā haath tirā kyuuñ 'bāsir'

    koī kāñTā to na thā phūloñ meñ

    dur saya sa hai kya phulon mein

    chhupti phirti hai saba phulon mein

    itni KHushbu thi ki sar dukhne laga

    mujh se baiTha na gaya phulon mein

    chand bhi aa gaya shaKHon ke qarib

    ye naya phul khila phulon mein

    chand mera hai sitaron se alag

    phul mera hai juda phulon mein

    chandni chhoD gai thi KHushbu

    dhup ne rang bhara phulon mein

    titliyan qumriyan sab uD bhi gain

    main to soya hi raha phulon mein

    ruk gaya hath tera kyun 'basir'

    koi kanTa to na tha phulon mein

    Source:

    Urdu Gazal ka Magribi Daricha (Pg. 251)

    • Author: Dr. Jawaz Jafri
      • Edition: 2011
      • Publisher: Kitab Saray, Lahore
      • Year of Publication: 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now