dur se aankhen dikhati hai nai duniya mujhe

duur se āñkheñ dikhātī hai na.ī duniyā mujhe

gulshan-e-hastī nazar aatā hai ik sahrā mujhe

aql kī vaadī meñ huuñ gum-karda-e-maqsūd-e-ishq

DhūñDhtā huuñ aur nahīñ miltā koī rastā mujhe

ye bhī ik dhokā thā nairañg-e-tilism-e-aql kā

apnī hastī par bhī hastī kā huā dhokā mujhe

shauq merā tālib-e-dīdār ho jaatā agar

dekhtā 'mūsā' mujhe siinā mujhe jalva mujhe

shā.erī kyā kafsh-e-bardār-e-girāmī huuñ 'hafīz'

be-kamālī ke sivā koī nahīñ da.avā mujhe

dur se aankhen dikhati hai nai duniya mujhe

gulshan-e-hasti nazar aata hai ek sahra mujhe

aql ki wadi mein hun gum-karda-e-maqsud-e-ishq

DhunDhta hun aur nahin milta koi rasta mujhe

ye bhi ek dhoka tha nairang-e-tilism-e-aql ka

apni hasti par bhi hasti ka hua dhoka mujhe

shauq mera talib-e-didar ho jata agar

dekhta 'musa' mujhe sina mujhe jalwa mujhe

shaeri kya kafsh-e-bardar-e-girami hun 'hafiz'

be-kamali ke siwa koi nahin dawa mujhe