dusri baaton mein hum ko ho gaya ghaTa bahut
dūsrī bātoñ meñ ham ko ho gayā ghāTā bahut
varna fikr-e-sher ko do vaqt kā aaTā bahut
kā.enāt aur zaat meñ kuchh chal rahī hai aaj kal
jab se andar shor hai bāhar hai sannāTā bahut
aarzū kā shor barpā hijr kī rātoñ meñ thā
vasl kī shab to huā jaatā hai sannāTā bahut
ham se to ik sher sun kar falsafī chup ho gayā
lekin us ne be-zabāñ naqqād ko chāTā bahut
dil kī bāteñ dūsroñ se mat kaho luT jāoge
aaj kal iz.hār ke dhandhe meñ hai ghāTā bahut
dusri baaton mein hum ko ho gaya ghaTa bahut
warna fikr-e-sher ko do waqt ka aaTa bahut
kaenat aur zat mein kuchh chal rahi hai aaj kal
jab se andar shor hai bahar hai sannaTa bahut
aarzu ka shor barpa hijr ki raaton mein tha
wasl ki shab to hua jata hai sannaTa bahut
hum se to ek sher sun kar falsafi chup ho gaya
lekin us ne be-zaban naqqad ko chaTa bahut
dil ki baaten dusron se mat kaho luT jaoge
aaj kal izhaar ke dhandhe mein hai ghaTa bahut
- Book : lafz magazine (Pg. february-2013)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
