eid aai to aksar humse KHushiyon ne munh pher liya

eid aa.ī to aksar ham se ḳhushiyoñ ne muñh pher liyā

raushniyoñ ke tyauhāroñ meñ tīrgiyoñ ne gher liyā

sub.h huī to palak jhapakte bhuul ga.e ham go shab bhar

do āñkhoñ se yak-bīnī kā ek sabaq tā-der liyā

qāmat apnā sach pūchho to aisā koī kam bhī na thā

lekin chaar taraf se ham ko darāz-qadoñ ne gher liyā

din meñ bhī ham dekhne vaale ḳhvāb kahāñ āñkheñ phoḌeñ

ḳhvāboñ se pahle hī ham ko ta.abīroñ ne gher liyā

tauba tauba ye bhī koī jiinā hai 'muztar' sāhab

aañkh kahīñ pe laḌā.ī na mai pī aur na lutf-e-sher liyā

eid aai to aksar hum se KHushiyon ne munh pher liya

raushniyon ke tyauhaaron mein tirgiyon ne gher liya

subh hui to palak jhapakte bhul gae hum go shab bhar

do aankhon se yak-bini ka ek sabaq ta-der liya

qamat apna sach puchho to aisa koi kam bhi na tha

lekin chaar taraf se hum ko daraaz-qadon ne gher liya

din mein bhi hum dekhne wale KHwab kahan aankhen phoDen

KHwabon se pahle hi hum ko tabiron ne gher liya

tauba tauba ye bhi koi jina hai 'muztar' sahab

aankh kahin pe laDai na mai pi aur na lutf-e-sher liya