id ka din hua karti thi har ek raat mujhe

iid kā din huā kartī thī har ik raat mujhe

haa.e vo vaqt ki raas aatī thī barsāt mujhe

kuchh bhī ho tauba mohabbat se na hogī vaa.iz

jān-o-dil donoñ se pyārī hai mirī baat mujhe

jagmagātī tirī āñkhoñ kī qasam furqat meñ

baḌe dukh detī hai ye tāroñ bharī raat mujhe

dil ne un ko bhī kiyā chashm-e-muravvat ke supurd

aap se the bhī jo kuchh shikva shikāyāt mujhe

dukh bharā huuñ mire nāloñ se hazar kar nāseh

burī ma.alūm na ho jaa.e koī baat mujhe

jitne din ziist ke baaqī haiñ nichhāvar kar duuñ

phir jo mil jaa.e javānī kī koī raat mujhe

abr-e-bārāñ ke maze lūTūñ maiñ kyūñkar 'manzar'

dam bhī lene de mirī āñkhoñ kī barsāt mujhe

id ka din hua karti thi har ek raat mujhe

hae wo waqt ki ras aati thi barsat mujhe

kuchh bhi ho tauba mohabbat se na hogi waiz

jaan-o-dil donon se pyari hai meri baat mujhe

jagmagati teri aankhon ki qasam furqat mein

baDe dukh deti hai ye taron bhari raat mujhe

dil ne un ko bhi kiya chashm-e-murawwat ke supurd

aap se the bhi jo kuchh shikwa shikayat mujhe

dukh bhara hun mere nalon se hazar kar naseh

buri malum na ho jae koi baat mujhe

jitne din zist ke baqi hain nichhawar kar dun

phir jo mil jae jawani ki koi raat mujhe

abr-e-baran ke maze luTun main kyunkar 'manzar'

dam bhi lene de meri aankhon ki barsat mujhe