ek to teri daulat tha hi dil ye saudai

ek to tirī daulat thā hī dil ye saudā.ī

tis upar qayāmat hai be-kasī o tanhā.ī

tere ta.iiñ to lāzim thā tauba kā sabab pūchhe

mai-kashī se ai saaqī go ki ham qasam khaa.ī

dil to ech-pechoñ se dām-e-ḳhat ke chhūTā thā

zulf phir na.e sar se sar upar balā laa.ī

jī to be-qarārī se jāñ-ba-lab hai ai nāseh

ko tahammul o tāqat sabr aur shakebā.ī

umr-e-āshiq-o-ma.ashūq sarf-e-nāz-o-hairat hai

husn hai adā-pardāz ishq hai tamāshā.ī

raat us kī mahfil meñ sar se jal ke paañv tak

sham.a kī pighal charbī ustuḳhvāñ nikal aa.ī

hasb-e-hāl 'hātim' hai sher-e-mīrzā-maz.har

us se phir ziyāda kuchh hai ibārat-ārā.ī

dil hamesha mī-ḳhvāhad tauf-e-kū-e-jānāñ rā

haa.e be-par-o-bālī vaa.e nā-tavānā.ī

ek to teri daulat tha hi dil ye saudai

tis upar qayamat hai be-kasi o tanhai

tere tain to lazim tha tauba ka sabab puchhe

mai-kashi se ai saqi go ki hum qasam khai

dil to ech-pechon se dam-e-KHat ke chhuTa tha

zulf phir nae sar se sar upar bala lai

ji to be-qarari se jaan-ba-lab hai ai naseh

ko tahammul o taqat sabr aur shakebai

umr-e-ashiq-o-mashuq sarf-e-naz-o-hairat hai

husn hai ada-pardaz ishq hai tamashai

raat us ki mahfil mein sar se jal ke panw tak

shama ki pighal charbi ustuKHwan nikal aai

hasb-e-haal 'hatim' hai sher-e-mirza-mazhar

us se phir ziyaada kuchh hai ibarat-arai

dil hamesha mi-KHwahad tauf-e-ku-e-jaanan ra

hae be-par-o-baali wae na-tawanai