farar ke liye jab rasta nahin hoga

farār ke liye jab rāsta nahīñ hogā

to bāb-e-ḳhvāb bhī kyā koī vā nahīñ hogā

ik aise shahr meñ kuchh din Thahar ke dekhā jaa.e

jahāñ kisī ko koī jāntā nahīñ hogā

vo baat thī to ka.ī dūsre sabab bhī the

ye baat hai to sabab dūsrā nahīñ hogā

yuuñ is nigāh ko apnī kushāda rakhte haiñ

ki is ke baad kabhī dekhnā nahīñ hogā

jo tañg hote ga.e qalb-hā-e-sīna-maqām

koī maqām maqām-e-duā nahīñ hogā

koī zamīn to hogī tirī zamīnoñ par

hamāre jaisā koī naqsh-e-pā nahīñ hogā

farar ke liye jab rasta nahin hoga

to bab-e-KHwab bhi kya koi wa nahin hoga

ek aise shahr mein kuchh din Thahar ke dekha jae

jahan kisi ko koi jaanta nahin hoga

wo baat thi to kai dusre sabab bhi the

ye baat hai to sabab dusra nahin hoga

yun is nigah ko apni kushada rakhte hain

ki is ke baad kabhi dekhna nahin hoga

jo tang hote gae qalb-ha-e-sina-maqam

koi maqam maqam-e-dua nahin hoga

koi zamin to hogi teri zaminon par

hamare jaisa koi naqsh-e-pa nahin hoga