gham-e-duniya se gar pai bhi fursat sar uThane ki
ġham-e-duniyā se gar paa.ī bhī fursat sar uThāne kī
falak kā dekhnā taqrīb tere yaad aane kī
khulegā kis tarah mazmūñ mire maktūb kā yā-rab
qasam khaa.ī hai us kāfir ne kāġhaz ke jalāne kī
lipaTnā parniyāñ meñ shola-e-ātish kā pinhāñ hai
vale mushkil hai hikmat dil meñ soz-e-ġham chhupāne kī
unheñ manzūr apne zaḳhmiyoñ kā dekh aanā thā
uThe the sair-e-gul ko dekhnā shoḳhī bahāne kī
hamārī sādgī thī iltifāt-e-nāz par marnā
tirā aanā na thā zālim magar tamhīd jaane kī
lakad kūb-e-havādis kā tahammul kar nahīñ saktī
mirī tāqat ki zāmin thī butoñ kī naaz uThāne kī
kahūñ kyā ḳhūbi-e-auzā-e-abnā-e-zamāñ 'ġhālib'
badī kī us ne jis se ham ne kī thī bār-hā nekī
Interesting
gham-e-duniya se gar pai bhi fursat sar uThane ki
falak ka dekhna taqrib tere yaad aane ki
khulega kis tarah mazmun mere maktub ka ya-rab
qasam khai hai us kafir ne kaghaz ke jalane ki
lipaTna parniyan mein shola-e-atish ka pinhan hai
wale mushkil hai hikmat dil mein soz-e-gham chhupane ki
unhen manzur apne zaKHmiyon ka dekh aana tha
uThe the sair-e-gul ko dekhna shoKHi bahane ki
hamari sadgi thi iltifat-e-naz par marna
tera aana na tha zalim magar tamhid jaane ki
lakad kub-e-hawadis ka tahammul kar nahin sakti
meri taqat ki zamin thi buton ki naz uThane ki
kahun kya KHubi-e-auza-e-abna-e-zaman 'ghaalib'
badi ki us ne jis se hum ne ki thi bar-ha neki
Interesting
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
