ghabraen hawadis se kya hum jine ke sahaare niklenge

ghabrā.eñ havādis se kyā ham jiine ke sahāre nikleñge

Dūbegā agar ye sūraj bhī to chāñd sitāre nikleñge

andāz-e-zamāna kahtā hai phir mauj-e-havā ruḳh badlegī

añgāroñ se gulshan phūTegā shabnam se sharāre nikleñge

firdaus-e-nazar ke dīvāne tārīk fazā se kyā Darnā

tū sham-e-nazar ko tez to kar zulmat se nazāre nikleñge

anjām-e-kashākash hogā kuchh dekheñ to tamāshā dīvāne

yā ḳhaak uḌegī gardūñ par yā farsh pe taare nikleñge

'masrūr' kareñ ahl-e-sāhil kuchh fikr na himmat vāloñ kī

Dūbeñge safīne jitne bhī ik din vo kināre nikleñge

ghabraen hawadis se kya hum jine ke sahaare niklenge

Dubega agar ye suraj bhi to chand sitare niklenge

andaz-e-zamana kahta hai phir mauj-e-hawa ruKH badlegi

angaron se gulshan phuTega shabnam se sharare niklenge

firdaus-e-nazar ke diwane tarik faza se kya Darna

tu sham-e-nazar ko tez to kar zulmat se nazare niklenge

anjam-e-kashakash hoga kuchh dekhen to tamasha diwane

ya KHak uDegi gardun par ya farsh pe tare niklenge

'masrur' karen ahl-e-sahil kuchh fikr na himmat walon ki

Dubenge safine jitne bhi ek din wo kinare niklenge