ghar mein rahte hue ghairon ki tarah hoti hain
ghar meñ rahte hue ġhairoñ kī tarah hotī haiñ
laḌkiyāñ dhaan ke paudoñ kī tarah hotī haiñ
uḌ ke ik roz bahut duur chalī jaatī haiñ
ghar kī shāḳhoñ pe ye chiḌiyoñ kī tarah hotī haiñ
sahmī sahmī huī rahtī haiñ makān-e-dil meñ
ārzūeñ bhī ġharīboñ kī tarah hotī haiñ
TuuT kar ye bhī bikhar jaatī haiñ ik lamhe meñ
kuchh umīdeñ bhī gharoñdoñ kī tarah hotī haiñ
aap ko dekh ke jis vaqt palaTtī hai nazar
merī āñkheñ mirī āñkhoñ kī tarah hotī haiñ
ghar mein rahte hue ghairon ki tarah hoti hain
laDkiyan dhan ke paudon ki tarah hoti hain
uD ke ek roz bahut dur chali jati hain
ghar ki shaKHon pe ye chiDiyon ki tarah hoti hain
sahmi sahmi hui rahti hain makan-e-dil mein
aarzuen bhi gharibon ki tarah hoti hain
TuT kar ye bhi bikhar jati hain ek lamhe mein
kuchh umiden bhi gharondon ki tarah hoti hain
aap ko dekh ke jis waqt palaTti hai nazar
meri aankhen meri aankhon ki tarah hoti hain
- Book : Shadaba (Pg. 47)
- Author : Munavar Rana
- Publication : Maktaba Al-faheem (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
