girafta-dil hain bahut aaj tere diwane
girafta-dil haiñ bahut aaj tere dīvāne
ḳhudā kare koī tere sivā na pahchāne
miTī miTī sī umīdeñ thake thake se ḳhayāl
bujhe bujhe se nigāhoñ meñ ġham ke afsāne
hazār shukr ki ham ne zabāñ se kuchh na kahā
ye aur baat ki pūchhā na ahl-e-duniyā ne
ba-qadr-e-tishna-labī pursish-e-vafā na huī
chhalak ke rah ga.e terī nazar ke paimāne
ḳhayāl aa gayā mānūs rahguzāroñ kā
palaT ke aa ga.e manzil se tere dīvāne
kahāñ hai tū ki tire intizār meñ ai dost
tamām raat sulagte haiñ dil ke vīrāne
umīd-e-pursish-e-ġham kis se kījiye 'nāsir'
jo apne dil pe guzartī hai koī kyā jaane
girafta-dil hain bahut aaj tere diwane
KHuda kare koi tere siwa na pahchane
miTi miTi si umiden thake thake se KHayal
bujhe bujhe se nigahon mein gham ke afsane
hazar shukr ki hum ne zaban se kuchh na kaha
ye aur baat ki puchha na ahl-e-duniya ne
ba-qadr-e-tishna-labi pursish-e-wafa na hui
chhalak ke rah gae teri nazar ke paimane
KHayal aa gaya manus rahguzaron ka
palaT ke aa gae manzil se tere diwane
kahan hai tu ki tere intizar mein ai dost
tamam raat sulagte hain dil ke virane
umid-e-pursish-e-gham kis se kijiye 'nasir'
jo apne dil pe guzarti hai koi kya jaane
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
