go mera sath meri apni nazar ne na diya

go mirā saath mirī apnī nazar ne na diyā

dasht-e-tanhā.ī meñ ai dil tujhe Darne na diyā

zindagī kitnā tirī baat kā hai paas hameñ

tū ne jo zaḳhm diyā ham ne vo bharne na diyā

ek vo haiñ ki jinheñ apnī ḳhushī le Duubī

ek ham haiñ ki jinheñ ġham ne ubharne na diyā

aap jis rah-guzar-e-dil se kabhī guzre the

us pe tā-umr kisī ko bhī guzarne na diyā

ham to har haal sañvārā kiye hālāt 'āzād'

ham ko hālāt ne har-chand sañvarne na diyā

go mera sath meri apni nazar ne na diya

dasht-e-tanhai mein ai dil tujhe Darne na diya

zindagi kitna teri baat ka hai pas hamein

tu ne jo zaKHm diya hum ne wo bharne na diya

ek wo hain ki jinhen apni KHushi le Dubi

ek hum hain ki jinhen gham ne ubharne na diya

aap jis rah-guzar-e-dil se kabhi guzre the

us pe ta-umr kisi ko bhi guzarne na diya

hum to har haal sanwara kiye haalat 'azad'

hum ko haalat ne har-chand sanwarne na diya