gulon si guftugu karen qayamaton ke darmiyan
guloñ sī guftugū kareñ qayāmatoñ ke darmiyāñ
ham aise log ab mileñ hikāyatoñ ke darmiyāñ
lahūluhān uñgliyāñ haiñ aur chup khaḌī huuñ maiñ
gul o saman kī be-panāh chāhatoñ ke darmiyāñ
hatheliyoñ kī oT hī charāġh le chalūñ abhī
abhī sahar kā zikr hai rivāyatoñ ke darmiyāñ
jo dil meñ thī nigāh sī nigāh meñ kiran sī thī
vo dāstāñ ulajh ga.ī vazāhatoñ ke darmiyāñ
sahīfa-e-hayāt meñ jahāñ jahāñ likhī ga.ī
likhī ga.ī hadīs-e-jāñ jarāhatoñ ke darmiyāñ
koī nagar koī galī shajar kī chhāñv hī sahī
ye zindagī na kaT sake masāfatoñ ke darmiyāñ
ab us ke ḳhāl-o-ḳhad kā rañg mujh se pūchhnā abas
nigah jhapak jhapak ga.ī irādatoñ ke darmiyāñ
sabā kā haath thaam kar 'adā' na chal sakogī tum
tamām umr ḳhvāb ḳhvāb sā.atoñ ke darmiyāñ
gulon si guftugu karen qayamaton ke darmiyan
hum aise log ab milen hikayaton ke darmiyan
lahuluhan ungliyan hain aur chup khaDi hun main
gul o saman ki be-panah chahaton ke darmiyan
hatheliyon ki oT hi charagh le chalun abhi
abhi sahar ka zikr hai riwayaton ke darmiyan
jo dil mein thi nigah si nigah mein kiran si thi
wo dastan ulajh gai wazahaton ke darmiyan
sahifa-e-hayat mein jahan jahan likhi gai
likhi gai hadis-e-jaan jarahaton ke darmiyan
koi nagar koi gali shajar ki chhanw hi sahi
ye zindagi na kaT sake masafaton ke darmiyan
ab us ke KHal-o-KHad ka rang mujh se puchhna abas
nigah jhapak jhapak gai iradaton ke darmiyan
saba ka hath tham kar 'ada' na chal sakogi tum
tamam umr KHwab KHwab saaton ke darmiyan
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
