han miyan sach hai tumhaari to bala hi jaane

haañ miyāñ sach hai tumhārī to balā hī jaane

jo guzartī hai mire dil pe ḳhudā hī jaane

dil se nikle kahīñ pā-bosī-e-qātil kī havas

kaash vo ḳhuuñ ko mire rañg-e-hinā hī jaane

dil kī vāshud pe abas aah ne khīñchī taklīf

kholne uqde to ġhunchoñ ke sabā hī jaane

roz-o-shab naza.a meñ hai āshiq-e-chashm-o-lab-e-yār

na to jiinā hī vo samjhe na fanā hī jaane

ham to nit duur se ḳhamyāza-kash-e-hasrat haiñ

lazzat-e-bos-o-kanār us kī hayā hī jaane

tere bīmār ko kyā hove shifā jis ke tabīb

na to kuchh dard ko samjhe na davā hī jaane

pūchh is dil se jo hai kaaT tire abrū kā

jauhar-e-burrash-e-shamshīr sipāhī jaane

apnī marzī to ye hai banda-e-but ho rahiye

aage marzī hai ḳhudā kī so ḳhudā hī jaane

taur par apne suḳhan kaun burā kahtā hai

par ye andāz jo pūchho to 'baqā' hī jaane

han miyan sach hai tumhaari to bala hi jaane

jo guzarti hai mere dil pe KHuda hi jaane

dil se nikle kahin pa-bosi-e-qatil ki hawas

kash wo KHun ko mere rang-e-hina hi jaane

dil ki washud pe abas aah ne khinchi taklif

kholne uqde to ghunchon ke saba hi jaane

roz-o-shab naza mein hai aashiq-e-chashm-o-lab-e-yar

na to jina hi wo samjhe na fana hi jaane

hum to nit dur se KHamyaza-kash-e-hasrat hain

lazzat-e-bos-o-kanar us ki haya hi jaane

tere bimar ko kya howe shifa jis ke tabib

na to kuchh dard ko samjhe na dawa hi jaane

puchh is dil se jo hai kaT tere abru ka

jauhar-e-burrash-e-shamshir sipahi jaane

apni marzi to ye hai banda-e-but ho rahiye

aage marzi hai KHuda ki so KHuda hi jaane

taur par apne suKHan kaun bura kahta hai

par ye andaz jo puchho to 'baqa' hi jaane