hai kaun kis ki zat ke andar likhenge hum

hai kaun kis kī zaat ke andar likheñge ham

nahr-e-ravāñ ko pyaas kā manzar likheñge ham

ye saara shahr ālā-e-hikmat likhe use

ḳhanjar agar hai koī to ḳhanjar likheñge ham

ab tum sipās-nāma-e-shamshīr likh chuke

ab dastān-e-lāsha-e-be-sar likheñge ham

rakkhī huī hai donoñ kī buniyād ret par

sahrā-e-be-karāñ ko samundar likheñge ham

is shahr-e-be-charāġh kī āñdhī na ho udaas

tujh ko havā-e-kūcha-e-dil-bar likheñge ham

kyā husn un laboñ meñ jo pyāse nahīñ rahe

sūkhe hue laboñ ko gul-e-tar likheñge ham

ham se gunāhgār bhī us ne nibhā liye

jannat se yuuñ zamīn ko behtar likheñge ham

hai kaun kis ki zat ke andar likhenge hum

nahr-e-rawan ko pyas ka manzar likhenge hum

ye sara shahr aala-e-hikmat likhe use

KHanjar agar hai koi to KHanjar likhenge hum

ab tum sipas-nama-e-shamshir likh chuke

ab dastan-e-lasha-e-be-sar likhenge hum

rakkhi hui hai donon ki buniyaad ret par

sahra-e-be-karan ko samundar likhenge hum

is shahr-e-be-charagh ki aandhi na ho udas

tujh ko hawa-e-kucha-e-dil-bar likhenge hum

kya husn un labon mein jo pyase nahin rahe

sukhe hue labon ko gul-e-tar likhenge hum

hum se gunahgar bhi us ne nibha liye

jannat se yun zamin ko behtar likhenge hum