hum bichhaD ke tum se baadal ki tarah rote rahe
ham bichhaḌ ke tum se bādal kī tarah rote rahe
thak ga.e to ḳhvāb kī dahlīz par sote rahe
zindagī ne haath se ḳhanjar na rakhā ek pal
ham qatīl-e-ġhamza-o-nāz-e-butāñ hote rahe
lok lahje kā suhānā-pan suḳhan kī naġhmagī
shahr kī ābādiyoñ ke shor meñ khote rahe
kyuuñ matā-e-dil ke luT jaane kā koī ġham kare
shahr-e-dillī meñ to aise vāqiye hote rahe
surḳhiyāñ aḳhbār kī galiyoñ meñ ġhul kartī rahīñ
log apne band kamroñ meñ paḌe sote rahe
mahfiloñ meñ ham rafīq-o-rāz-dāñ samjhe ga.e
ghar ke āñgan meñ magar tanhā.iyāñ bote rahe
hum bichhaD ke tum se baadal ki tarah rote rahe
thak gae to KHwab ki dahliz par sote rahe
zindagi ne hath se KHanjar na rakha ek pal
hum qatil-e-ghamza-o-naz-e-butan hote rahe
lok lahje ka suhana-pan suKHan ki naghmagi
shahr ki aabaadiyon ke shor mein khote rahe
kyun mata-e-dil ke luT jaane ka koi gham kare
shahr-e-dilli mein to aise waqiye hote rahe
surKHiyan aKHbar ki galiyon mein ghul karti rahin
log apne band kamron mein paDe sote rahe
mahfilon mein hum rafiq-o-raaz-dan samjhe gae
ghar ke aangan mein magar tanhaiyan bote rahe
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
