hum to bachpan mein bhi akele the

ham to bachpan meñ bhī akele the

sirf dil kī galī meñ khele the

ik taraf morche the palkoñ ke

ik taraf āñsuoñ ke rele the

thiiñ sajī hasrateñ dukānoñ par

zindagī ke ajiib mele the

ḳhud-kushī kyā dukhoñ kā hal bantī

maut ke apne sau jhamele the

zehn o dil aaj bhūke marte haiñ

un dinoñ ham ne faaqe jhele the

hum to bachpan mein bhi akele the

sirf dil ki gali mein khele the

ek taraf morche the palkon ke

ek taraf aansuon ke rele the

thin saji hasraten dukanon par

zindagi ke ajib mele the

KHud-kushi kya dukhon ka hal banti

maut ke apne sau jhamele the

zehn o dil aaj bhuke marte hain

un dinon hum ne faqe jhele the