hamein rahna tha kunwara bhala kis se pyar hota

hameñ rahnā thā kuñvārā bhalā kis se pyaar hotā

ye na thī hamārī qismat ki visāl-e-yār hotā

tujhe gahrī niiñd aa.e to dabā deñ terā naaḌā

agar aur jiite rahte yahī intizār hotā

haiñ hamāre jitne leader sabhī bhuTTe chor kyoñ haiñ

koī chāra-sāz hotā koī ġham-gusār hotā

terā ishq hotā bijjū mirī laash noch khātā

na kabhī janāza uThtā na kahīñ mazār hotā

tire baap kī bhī daulat na chhuḌātī ġham se pīchhā

ġham-e-ishq gar na hotā ġham-e-rozgār hotā

na kaTā.ī naak tū ne hameñ e.atibār kab thā

ki ḳhushī se mar na jaate agar e.atibār hotā

tirā hāl-e-jazb 'vāhid' ki paḌā hai tū gutter meñ

tujhe ham valī samajhte jo na bāda-ḳhvār hotā

hamein rahna tha kunwara bhala kis se pyar hota

ye na thi hamari qismat ki visal-e-yar hota

tujhe gahri nind aae to daba den tera naDa

agar aur jite rahte yahi intizar hota

hain hamare jitne leader sabhi bhuTTe chor kyon hain

koi chaara-saz hota koi gham-gusar hota

tera ishq hota bijju meri lash noch khata

na kabhi janaza uThta na kahin mazar hota

tere bap ki bhi daulat na chhuDati gham se pichha

gham-e-ishq gar na hota gham-e-rozgar hota

na kaTai nak tu ne hamein eatibar kab tha

ki KHushi se mar na jate agar eatibar hota

tera haal-e-jazb 'wahid' ki paDa hai tu gutter mein

tujhe hum wali samajhte jo na baada-KHwar hota