hamein safar ki aziyyat se phir guzarna hai
hameñ safar kī aziyyat se phir guzarnā hai
tumhāre shahr meñ fikr o nazar pe pahrā hai
sazā ke taur pe maiñ dostoñ se miltā huuñ
asar shikast-pasandī kā mujh pe gahrā hai
vo ek laḳht ḳhalāoñ meñ ghūrte rahnā
kisī tavīl masāfat kā pesh-ḳhema hai
ye aur baat ki tum bhī yahāñ ke shahrī ho
jo maiñ ne tum ko sunāyā thā merā qissa hai
ham apne shānoñ pe phirte haiñ qatl-gāh liye
ḳhud apne qatl kī sāzish hamārā virsa hai
hamein safar ki aziyyat se phir guzarna hai
tumhaare shahr mein fikr o nazar pe pahra hai
saza ke taur pe main doston se milta hun
asar shikast-pasandi ka mujh pe gahra hai
wo ek laKHt KHalaon mein ghurte rahna
kisi tawil masafat ka pesh-KHema hai
ye aur baat ki tum bhi yahan ke shahri ho
jo main ne tum ko sunaya tha mera qissa hai
hum apne shanon pe phirte hain qatl-gah liye
KHud apne qatl ki sazish hamara wirsa hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
