har be-zaban ko shoala-nawa kah liya karo

har be-zabāñ ko sho.ala-navā kah liyā karo

yaaro sukūt hī ko sadā kah liyā karo

ḳhud ko fareb do ki na ho talḳh zindagī

har sañg-dil ko jān-e-vafā kah liyā karo

gar chāhte ho ḳhush raheñ kuchh bandagān-e-ḳhās

jitne sanam haiñ un ko ḳhudā kah liyā karo

yaaro ye daur zo.af-e-basārat kā daur hai

āñdhī uThe to us ko ghaTā kah liyā karo

insān kā agar qad-o-qāmat na baḌh sake

tum is ko naqs-e-āb-o-havā kah liyā karo

apne liye ab ek hī rāh-e-najāt hai

har zulm ko razā-e-ḳhudā kah liyā karo

le de ke ab yahī hai nishān-e-ziyā 'qatīl'

jab dil jale to is ko diyā kah liyā karo

har be-zaban ko shoala-nawa kah liya karo

yaro sukut hi ko sada kah liya karo

KHud ko fareb do ki na ho talKH zindagi

har sang-dil ko jaan-e-wafa kah liya karo

gar chahte ho KHush rahen kuchh bandagan-e-KHas

jitne sanam hain un ko KHuda kah liya karo

yaro ye daur zoaf-e-basarat ka daur hai

aandhi uThe to us ko ghaTa kah liya karo

insan ka agar qad-o-qamat na baDh sake

tum is ko naqs-e-ab-o-hawa kah liya karo

apne liye ab ek hi rah-e-najat hai

har zulm ko raza-e-KHuda kah liya karo

le de ke ab yahi hai nishan-e-ziya 'qatil'

jab dil jale to is ko diya kah liya karo