har ek baat na kyun zahr si hamari lage
har ek baat na kyuuñ zahr sī hamārī lage
ki ham ko dast-e-zamāna se zaḳhm kaarī lage
udāsiyāñ hoñ musalsal to dil nahīñ rotā
kabhī kabhī ho to ye kaifiyat bhī pyārī lage
ba-zāhir ek hī shab hai firāq-e-yār magar
koī guzārne baiThe to umr saarī lage
ilaaj is dil-e-dard-āshnā kā kyā kiije
ki tiir ban ke jise harf-e-ġham-gusārī lage
hamāre paas bhī baiTho bas itnā chāhte haiñ
hamāre saath tabī.at agar tumhārī lage
'farāz' tere junūñ kā ḳhayāl hai varna
ye kyā zarūr vo sūrat sabhī ko pyārī lage
har ek baat na kyun zahr si hamari lage
ki hum ko dast-e-zamana se zaKHm kari lage
udasiyan hon musalsal to dil nahin rota
kabhi kabhi ho to ye kaifiyat bhi pyari lage
ba-zahir ek hi shab hai firaq-e-yar magar
koi guzarne baiThe to umr sari lage
ilaj is dil-e-dard-ashna ka kya kije
ki tir ban ke jise harf-e-gham-gusari lage
hamare pas bhi baiTho bas itna chahte hain
hamare sath tabiat agar tumhaari lage
'faraaz' tere junun ka KHayal hai warna
ye kya zarur wo surat sabhi ko pyari lage
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
