har taraf hadd-e-nazar tak silsila pani ka hai
har taraf hadd-e-nazar tak silsila paanī kā hai
kyā kaheñ sāhil se koī rābta paanī kā hai
ḳhushk rut meñ is jagah ham ne banāyā thā makān
ye nahīñ mālūm thā ye rāsta paanī kā hai
aag sī garmī agar tere badan meñ hai to ho
dekh mere ḳhuun meñ bhī valvala paanī kā hai
ek sohnī hī nahīñ Duubī mirī bastī meñ tū
har mohabbat kā muqaddar sāneha paanī kā hai
be-gunah bhī Duub jaate haiñ gunahgāroñ ke saath
shahr ke qānūn meñ ye zābta paanī kā hai
jāntā huuñ kyuuñ tumhāre baaġh meñ khilte haiñ phuul
baat mehnat kī nahīñ ye mojaza paanī kā hai
ashk bahte bhī nahīñ 'āsim' Thaharte bhī nahīñ
kyā masāfat hai ye kaisā qāfila paanī kā hai
har taraf hadd-e-nazar tak silsila pani ka hai
kya kahen sahil se koi rabta pani ka hai
KHushk rut mein is jagah hum ne banaya tha makan
ye nahin malum tha ye rasta pani ka hai
aag si garmi agar tere badan mein hai to ho
dekh mere KHun mein bhi walwala pani ka hai
ek sohni hi nahin Dubi meri basti mein tu
har mohabbat ka muqaddar saneha pani ka hai
be-gunah bhi Dub jate hain gunahgaron ke sath
shahr ke qanun mein ye zabta pani ka hai
jaanta hun kyun tumhaare bagh mein khilte hain phul
baat mehnat ki nahin ye mojaza pani ka hai
ashk bahte bhi nahin 'asim' Thaharte bhi nahin
kya masafat hai ye kaisa qafila pani ka hai
- Book : Lafz Mehfooz Kar Liye Jaayen (Pg. 38)
- Author : Asim Wasti
- Publication : Rekhta Publications (2020)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
