harim-e-naz ko hum ghair ki mahfil nahin kahte

harīm-e-nāz ko ham ġhair kī mahfil nahīñ kahte

raqīboñ par magar vo kaun thā maa.il nahīñ kahte

jo rañg-e-ishq se fāriġh ho us ko dil nahīñ kahte

jo maujoñ se na Takrā.e use sāhil nahīñ kahte

ishāra sham.a kā samjhā na parvāna to kyā samjhā

manār-e-rāh ko ahl-e-nazar manzil nahīñ kahte

ba-rañg-e-rishta-e-tasbīh dil se raah hai dil ko

bhaTak jaa.e jo is jaade se us ko dil nahīñ kahte

zuleḳhā ke vaqār-e-ishq ko sahrā se kyā nisbat

jo ḳhud khīñch kar na aa jaa.e use manzil nahīñ kahte

marīz-e-ġham kī ġhaflat bhī kamāl-e-hoshiyārī hai

jo gum ho jaa.e jalvoñ meñ use ġhāfil nahīñ kahte

bharam us kā hī ai mansūr tū ne rakh liyā hotā

kisī kā raaz ai nādāñ sar-e-mahfil nahīñ kahte

harim-e-naz ko hum ghair ki mahfil nahin kahte

raqibon par magar wo kaun tha mail nahin kahte

jo rang-e-ishq se farigh ho us ko dil nahin kahte

jo maujon se na Takrae use sahil nahin kahte

ishaara shama ka samjha na parwana to kya samjha

manar-e-rah ko ahl-e-nazar manzil nahin kahte

ba-rang-e-rishta-e-tasbih dil se rah hai dil ko

bhaTak jae jo is jade se us ko dil nahin kahte

zuleKHa ke waqar-e-ishq ko sahra se kya nisbat

jo KHud khinch kar na aa jae use manzil nahin kahte

mariz-e-gham ki ghaflat bhi kamal-e-hoshiyari hai

jo gum ho jae jalwon mein use ghafil nahin kahte

bharam us ka hi ai mansur tu ne rakh liya hota

kisi ka raaz ai nadan sar-e-mahfil nahin kahte