harim-kaba bana di wo sar-zamin maine

harīm-kāba banā dī vo sar-zamīñ maiñ ne

tire ḳhayāl meñ rakh dī jahāñ jabīñ maiñ ne

mujhī ko parda-e-hastī meñ de rahā hai fareb

vo husn jis ko kiyā jalva-āfrīñ maiñ ne

chaTak meñ ġhunche kī vo saut-e-jāñ-fazā to nahīñ

sunī hai pahle bhī āvāz ye kahīñ maiñ ne

rahīn-e-manzil-e-vahm-o-gumāñ rahā 'aḳhtar'

isī meñ DhūñDh liyā jāda-e-yaqīñ maiñ ne

harim-kaba bana di wo sar-zamin main ne

tere KHayal mein rakh di jahan jabin main ne

mujhi ko parda-e-hasti mein de raha hai fareb

wo husn jis ko kiya jalwa-afrin main ne

chaTak mein ghunche ki wo saut-e-jaan-faza to nahin

suni hai pahle bhi aawaz ye kahin main ne

rahin-e-manzil-e-wahm-o-guman raha 'aKHtar'

isi mein DhunDh liya jada-e-yaqin main ne