hasti hai adam meri nazar mein

hastī hai adam mirī nazar meñ

sūjhī hai ye ek umr bhar meñ

o aañkh churā ke jaane vaale

ham bhī the kabhī tirī nazar meñ

phailātī hai paañv hasrat-e-dīd

ThanDak jo milī hai chashm-e-tar meñ

koī na hijāb kaam aayā

dekhā to vo the mirī nazar meñ

kam-zarf the saare ġhuncha o gul

kyā phūle haiñ ek musht-e-zar meñ

itnā bhī na ho koī hayā-dār

dekhā to samā ga.e nazar meñ

taare ye nahīñ haiñ āḳhir-e-shab

kuchh phuul haiñ dāman-e-sahar meñ

hai umr-e-ravāñ kā sham.a meñ rañg

ghar baiThe guzartī hai safar meñ

duniyā hai 'jalīl' haath uThā.e

baiThe haiñ kisī kī rahguzar meñ

hasti hai adam meri nazar mein

sujhi hai ye ek umr bhar mein

o aankh chura ke jaane wale

hum bhi the kabhi teri nazar mein

phailati hai panw hasrat-e-did

ThanDak jo mili hai chashm-e-tar mein

koi na hijab kaam aaya

dekha to wo the meri nazar mein

kam-zarf the sare ghuncha o gul

kya phule hain ek musht-e-zar mein

itna bhi na ho koi haya-dar

dekha to sama gae nazar mein

tare ye nahin hain aaKHir-e-shab

kuchh phul hain daman-e-sahar mein

hai umr-e-rawan ka shama mein rang

ghar baiThe guzarti hai safar mein

duniya hai 'jalil' hath uThae

baiThe hain kisi ki rahguzar mein