hazaron aarzuen sath hain is par akeli hai

hazāroñ ārzūeñ saath haiñ is par akelī hai

hamārī ruuh be-būjhī huī ab tak pahelī hai

buḌhāpā ho to ho us rabt meñ kyuuñ kar ḳhalal aa.e

mirī yās-o-tamanna bachpane se saath khelī hai

ajal bhī Tal ga.ī dekhī ga.ī hālat na āñkhoñ se

shab-e-ġham meñ musībat sī musībat ham ne jhelī hai

adam kā thā safar jab aur kuchh tosha na haath aayā

bahut sī aarzū chalte chalāte saath le lī hai

zarā dekho to un utre hue chehroñ ko phūloñ ke

ma.āz-allāh jhoñkā hai ḳhizāñ kā yā ki selī hai

kabhī jamne na detī be-ḳhudī ḳhātir pe naqsh un kā

ba-mushkil maiñ ne ye tasvīr usī ayyār se lī hai

hamārī aur guloñ kī ek hai nashv-o-numā lekin

vahāñ muTThī meñ zar hai aur yahāñ ḳhālī hathelī hai

na pūchho 'shād' vīrānī ko dil kī kyā batā.ūñ maiñ

tamannā jā chukī hasrat ġharīb is meñ akelī hai

hazaron aarzuen sath hain is par akeli hai

hamari ruh be-bujhi hui ab tak paheli hai

buDhapa ho to ho us rabt mein kyun kar KHalal aae

meri yas-o-tamanna bachpane se sath kheli hai

ajal bhi Tal gai dekhi gai haalat na aankhon se

shab-e-gham mein musibat si musibat hum ne jheli hai

adam ka tha safar jab aur kuchh tosha na hath aaya

bahut si aarzu chalte chalate sath le li hai

zara dekho to un utre hue chehron ko phulon ke

maaz-allah jhonka hai KHizan ka ya ki seli hai

kabhi jamne na deti be-KHudi KHatir pe naqsh un ka

ba-mushkil main ne ye taswir usi ayyar se li hai

hamari aur gulon ki ek hai nashw-o-numa lekin

wahan muTThi mein zar hai aur yahan KHali hatheli hai

na puchho 'shad' virani ko dil ki kya bataun main

tamanna ja chuki hasrat gharib is mein akeli hai