hijr ke din bhi baDi aas mein Dube hue hain
hijr ke din bhī baḌī aas meñ Duube hue haiñ
ham shab-e-vasl ke ehsās meñ Duube hue haiñ
lauTte haiñ vahī sāhil se bhañvar kī jānib
vo jo dariyā meñ nahīñ pyaas meñ Duube hue haiñ
jhiil āñkhoñ meñ utarne ko saral mat samjho
ham kināroñ ke bahut paas meñ Duube hue haiñ
aas terī hī hameñ saañs diye rahtī hai
varna ik 'umr se jis yaas meñ Duube hue haiñ
hijr ke din bhi baDi aas mein Dube hue hain
hum shab-e-wasl ke ehsas mein Dube hue hain
lauTte hain wahi sahil se bhanwar ki jaanib
wo jo dariya mein nahin pyas mein Dube hue hain
jhil aankhon mein utarne ko saral mat samjho
hum kinaron ke bahut pas mein Dube hue hain
aas teri hi hamein sans diye rahti hai
warna ek 'umr se jis yas mein Dube hue hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
