soe kahan the aankhon ne takiye bhigoe the

so.e kahāñ the āñkhoñ ne takiye bhigo.e the

ham bhī kabhī kisī ke liye ḳhuub ro.e the

añgnā.ī meñ khaḌe hue berī ke peḌ se

vo log chalte vaqt gale mil ke ro.e the

har saal zard phūloñ kā ik qāfila rukā

us ne jahāñ pe dhuul aTe paañv dho.e the

is hādse se merā ta.alluq nahīñ koī

mele meñ ek saath ka.ī bachche kho.e the

āñkhoñ kī kashtiyoñ meñ safar kar rahe haiñ vo

jin dostoñ ne dil ke safīne Dubo.e the

kal raat maiñ thā mere alāva koī na thā

shaitān mar gayā thā farishte bhī so.e the

soe kahan the aankhon ne takiye bhigoe the

hum bhi kabhi kisi ke liye KHub roe the

angnai mein khaDe hue beri ke peD se

wo log chalte waqt gale mil ke roe the

har sal zard phulon ka ek qafila ruka

us ne jahan pe dhul aTe panw dhoe the

is hadse se mera talluq nahin koi

mele mein ek sath kai bachche khoe the

aankhon ki kashtiyon mein safar kar rahe hain wo

jin doston ne dil ke safine Duboe the

kal raat main tha mere alawa koi na tha

shaitan mar gaya tha farishte bhi soe the