honTon pe mohabbat ke fasane nahin aate
hoñToñ pe mohabbat ke fasāne nahīñ aate
sāhil pe samundar ke ḳhazāne nahīñ aate
palkeñ bhī chamak uThtī haiñ sote meñ hamārī
āñkhoñ ko abhī ḳhvāb chhupāne nahīñ aate
dil ujḌī huī ek sarā.e kī tarah hai
ab log yahāñ raat jagāne nahīñ aate
yaaro na.e mausam ne ye ehsān kiye haiñ
ab yaad mujhe dard purāne nahīñ aate
uḌne do parindoñ ko abhī shoḳh havā meñ
phir lauT ke bachpan ke zamāne nahīñ aate
is shahr ke bādal tirī zulfoñ kī tarah haiñ
ye aag lagāte haiñ bujhāne nahīñ aate
ahbāb bhī ġhairoñ kī adā siikh ga.e haiñ
aate haiñ magar dil ko dukhāne nahīñ aate
honTon pe mohabbat ke fasane nahin aate
sahil pe samundar ke KHazane nahin aate
palken bhi chamak uThti hain sote mein hamari
aankhon ko abhi KHwab chhupane nahin aate
dil ujDi hui ek sarae ki tarah hai
ab log yahan raat jagane nahin aate
yaro nae mausam ne ye ehsan kiye hain
ab yaad mujhe dard purane nahin aate
uDne do parindon ko abhi shoKH hawa mein
phir lauT ke bachpan ke zamane nahin aate
is shahr ke baadal teri zulfon ki tarah hain
ye aag lagate hain bujhane nahin aate
ahbab bhi ghairon ki ada sikh gae hain
aate hain magar dil ko dukhane nahin aate
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
